NanaNana1111's Xanga

Tuesday, January 06, 2009

Tue, 06 Jan 2009 18:41:33 GMT

Monday, January 21, 2008

Mon, 21 Jan 2008 07:38:56 GMT

搬新屋成功，已經是第四間在澳洲的房子。

Thursday, November 22, 2007

Thu, 22 Nov 2007 02:01:39 GMT

無事。

Sunday, October 07, 2007

Sun, 07 Oct 2007 13:07:39 GMT

公告：請大家支持一下 :)

點樣支持？
大家有兩個方法去支持你地心水既音樂旅人~

方法1: Copy以下候選音樂旅人既ICON同呢篇文既URL，貼係自己個Blog到，之後再上番黎呢篇文留言話俾我地知你支持邊個！仲要記得留埋自己既Blog link！
咁樣做你支持既選音樂旅人就會有1分喇！ (相同Blog link只會Count 1 次）

方法2: 貼以下既Blog toy去你自己個Blog到，然後上番黎呢篇文，留個言話俾我地知你支持邊個！記住留埋自己既Blog link呀！
咁樣做你支持既候選音樂旅人就會得到5分！(相同Blog link只會Count 1 次）

貼Blog Toy 其實好簡單, 只要Copy下面既 Script到Sidebar就得啦!

以上係有個肥仔叫我 post 既，我都唔知做乜。

Friday, September 14, 2007

Fri, 14 Sep 2007 13:44:22 GMT

明年之後，何去何從？

Monday, August 27, 2007

Mon, 27 Aug 2007 08:44:34 GMT

前排重裝電腦後，本就不用圖像軟件的我，不想裝 photoshop 等，以至遲遲沒有辦法 resize 相片，不能上載於 xanga。剛剛為了幫 color 下載 nero 7，發現竟然有 edit 相片功能？！真奇怪。

好，看相把。

校園中大部份沒有建築物的地方的樣子。

在澳洲的第三間屋：從左邊看正面

從右邊看正面

從後邊看後面（好像是費話...）

不用說吧，在後園。

正門對出

有花的小樹

客廳，不過也在此吃飯。

Kitchen（唔記得中文點寫...）

Kitchen 旁的飯廳，不過這張飯桌給我搬回自己房用。（留意，這張相是晚間拍的）

也不用說吧，我的房在左手邊第一間。一共三房。

終於到我的房間了！！！萬眾期待！！！
..........................................................................................

................................................................................

......................................................................

............................................................

..................................................

........................................

..............................

....................

..........

.

無計啦，一搬入黎既時候，乜家私都無，桌用飯廳既飯桌，訓同屋借既睡袋，真慘。

Thursday, August 16, 2007

Thu, 16 Aug 2007 01:03:26 GMT

都好耐無打 xanga，一早講左，日記唔係我既習慣，逼自己打就無意思，唔逼又會成幾個月無打，好啦，打幾句啦。

三個多星期前，終於實行搬城市、到主校園所在的城市完成學位，依個城市叫 Rockhampton，係澳洲既天氣佈告係有依個城市份既，即使雖然佢細，但係都唔係完全無名（雖然我係 Gold Coast同d同屋講話要搬去 Rockhampton既時候，大部份人都無聽過）。由 Gold Coast 去 Rockhampton（澳洲人簡稱 Rocky），我搭左十小時火車（因為係最便---AUD$51，所以最慢，最快既只需六小時，不過就要 AUD$83），飛機只需一小時（費用都係五十幾到，不過就帶唔晒我八十公斤既行理，所以都係坐火車）。

Rocky，係 Gold Coast 一半大小到啦，人口就係 Gold Coast 既十份之一（係 Gold Coast 都唔係話太多人，依到當然就更加少），地點唔近海（大件事！我由出世開始就慣左住係海邊，唔知慣唔慣）。依個城市分 North side 同 South side（就好似香港分香港島九龍新界咁分，不過佢分上下一半者），South side係本地機場（聽聞細到無得再細，飛機都係）、所有 pub（其實都係得幾間）、大部份玩既地方（即使商場、戲院等等）所在。North side 就係大學（依個城市真係太細，得一間大學）、同埋大部份住屋既地方。

先講大學，係大過 BU 總面積既（當然啦，BU咁細），不過有建築物既地方就一半都無（即係其他都係樹同草地！正！），學生萬多人（成個城市先得七萬人），當中包括好多遠距課程既學生，所以我從來最多都係見到十幾人，咁大既地方，人又咁少，都真係幾正。建築係以傳統 Queensland 風格為主，都幾得意（Queensland 建築風格，係得一兩層高既屋仔，離地半米黎隔熱），特別係 pure science 既 building ，全部都係屋仔！超得意。完全唔似香港既大學，建築商業味太重（不過都無計，香港寸金尺土，一定至少要十幾層先得）。原本我應該影下相 post 出黎，不過我唔見左 card reader（係唔知放左係邊，唔係唔見左），影左都 load唔到落電腦，遲下搵返就 post 啦。

校園既草地部份，成日有好多袋鼠黎食草架！我仲見過兩隻個頭似老鼠，大小同成年樹熊一樣、條尾都幾長既動物，當然唔少得唔怕人既各種鳥類，正！
至於我上堂既 IT building，請看

係唔係好靚呢？圖中右邊既小路，就係通去正門，Lecturer 係晒最頂既兩層，我上堂通常係 ground floor。

到講我住既地方，搬左黎 Rocky 第十日，終於搵到便屋住，第十一日就住得，正！咁依十日我住邊呢？答案係訓街！
講笑者，BU 有 Hall，CQU就有 College，不過就貴得離譜，正價一日六十澳幣！不過好彩，任何新學生黎主校園，頭一星期有半價，雖然都係貴，不過可接受。因為佢包一日三餐，自助式，餐餐都有好多種類，係依十日，我無一小時係有餓既感覺，除左夜晚，因為食得飽之外，仲因為餐與餐之間得四個小時到，上餐都未消化晒，下餐就黎，晚餐七點就完，搞到我日頭飽到死，夜晚就有d餓。雖然住 college 係幾好，不過實在太貴，要準快搵屋搬！

新屋得一層，不過就係二樓，地下係 open area，即係要行一層樓梯既。成間屋有三間房，分別係台灣人（佢租成間屋，我再同佢租間房）、四川人同我依個香港人，兩岸三地齊晒，因為我唔識講普通話，四川人同台灣人唔識講廣東話，台灣人係澳洲住左四年，講慣英文，所以我地三個中國人，唯一共通語言就係英文！
我同個四川人好熟下，成日一齊煮飯食，佢同我一樣，自小個鼻就成日留鼻血，所以佢完全無四川人應該有既食辣習慣。台灣人成日出街，所以同佢唔係太熟。

打到好悶，好，講住咁多先，過多幾個月，有心機就再打啦。

Sunday, June 03, 2007

Sun, 03 Jun 2007 09:09:02 GMT

一蛋雙黃

今晚煎蛋食既時候，當我打一隻蛋既時候，竟然有兩個蛋黃出左黎？！會唔會係我睇錯？睇真d，真係兩隻黃，仲係好完整、每隻黃都係正常一隻蛋有既蛋黃既份量。

真開心！買咁多蛋，都係第一次見到一蛋雙黃炸。

Friday, May 11, 2007

Fri, 11 May 2007 07:42:29 GMT

Best of the worst，worst of the best，相差何只千里。

可是，我兩種都有。

Friday, March 23, 2007

Fri, 23 Mar 2007 19:25:25 GMT

曹操頭痛的原因

曹操請劉備吃飯，席間，劉備放了一個屁，很是尷尬。

身後趙雲忙說："請位莫怪，屁從雲中來。"

關羽不甘示弱，上前一步說："屁從羽（雨）中來。"

張飛嚷道："屁是飛來的。"

說罷四人哈哈大笑。唯獨曹操沒笑，他對此事深有感觸。

送走劉備等人後，曹操對部下說："劉備屬下見主公有個失，都爭先恐後的搶著承擔，真是忠心耿耿。

此事輪到你們，能辦到嗎？"

眾人道："這有何難。"

幾日後劉備請曹操，席間，曹操憋了半天，好不容易放了個屁。曹操部下早已等候多時。

典韋說："屁是典（顛）出來的。"

徐晃說："不對，屁是晃出來的。"

曹操正要發怒，謀士郭圖看曹操生氣了，大聲喊道："你們說的都不對，屁是圖（吐）出來的。"

曹操當時兩眼一翻，暈過去了。

從此曹操就得下了頭疼的毛病。